Audasa, a empresa que gestiona a AP-9 entre Tui e Ferrol, ganhou no ano passado 62 milhons de euros. Igual te estás a perguntar: e que fam esses de Audasa? Pois basicamente a sua funçom é manter em condiçons a estrada e roubar a mao armada aos condutores e condutoras segundo vam passando pola portagem.
Vamos, que Audasa fai o mesmo que qualquer governo municipal, autonómico ou o que for: ter a estrada como é devido. A diferença é que ao final de ano os senhores de Audasa colhem 62 milhons de euros do recadado e marcham de férias ao Caribe. Bom, também há outra diferença, que Audasa nom sempre mantem a estrada como é devido: recordas? recordas?
Entom, qualquer pessoa normal pensa: se estes fam o mesmo que a administraçom, ademais nom o fam bem e por cima ganham 62 milhonaços por ano... para isso que o faga a administraçom! Polo menos assim os 62 milhons ganhamo-los todas e todos ou poderiamos rebaixar o custo da portagem para ganhar 0,00 euros, que total nom temos por que forrar-nos fazendo de assalta-caminhos.
Pois o dito, que há que nacionalizar dumha vez as estradas da Galiza porque isto é umha burla. Quem nom o entenda que levante a mao.
Sem comentários:
Enviar um comentário