Recém aprovado o plano de Transporte Metropolitano de Galiza para as áreas de Corunha, Lugo, Compostela e Ferrol e em vias de aprovaçom para Pontevedra, Vigo e Ourense; Caballero e Vitrasa cientes da implicaçom do plano passam a ofensiva.
Após anunciar dados muito positivos tanto de viajeiros como de facturaçom Vitrasa volve-se queixar e Caballero, preocupado pola economia da concesionária, advirte do elevado do custo de financiar o bilhete aos universitários; em nengum caso se pensa em revisar a concessom.
Preocupa no seio da Alcaldia que os bilhetes passariam a valer 71 céntimos, ou no seu defeito, um 40 % de média. Também preocupa o transbordo gratuita intermodal.
Nom preocupa o mal comunicado que está o campus da Uvigo, ou os bairros e a estaçom de autobuses, nem tampouco o "gravoso" dos desprazamentos até o posto de trabalho dos vigueses e viguesas. Nem sequer preocupa a densidade de tránsito da cidade, com as consequências associadas: ruído, poluçom, caos circulatório...
Muito queda por fazer em Vigo em questom de transporte, e nom parece que Caballero e Santi Domínguez e o seu bigoverno tenham muitas ideias na mente, todo o contrário, permanecem impassíveis ante os incrementos desmesurados nos preços dos bilhetes, ante a reducçom em freqüencia e horários dos barcos e comboios que comunicam Vigo com a sua área metropolitano.
Sem comentários:
Enviar um comentário