Na manhá de ontem, Comité de Empresa e representantes de FCC reuniam-se, na teoria, para achegárem posturas de cara a umha soluçom do conflito. Porém, a posiçom da empresa foi clara: nom vam negociar e mantenhem a proposta de rebaixar os salários até num 10% para além de continuar com os reiterados incumprimentos do convénio colectivo. Ante esta situaçom, a representaçom obreira retirou-se imediatamente da mesa de negociaçom. Rufino Santalices, delegado pola CIG e presidente do Comité de Empresa, manifestava que o o conflito vai para longo.
Após constatar o fracaso da negociaçom as trabalhadoras e trabalhadores decidírom em assembleia deslocar-se até a Praça do Concelho onde se concentrárom durante umha hora e posteriormente à sede de FCC na rua Tarragona. Nos dous casos deitárom lixo contra as instalaçons como forma de protesto.
Por outro lado o Concelho continua na sua vergonhosa teima de instar a negociar a empresa e plantel em lugar de fazer respeitar a concessom pública do serviço que tem outorgada a FCC e os direitos laborais das trabalhadoras e trabalhadores da mesma.
Sem comentários:
Enviar um comentário